«Барселона»да сўнгги бир неча кун давомида мавсумнинг энг яхши футболчисига бериладиган «Олтин тўп» мукофоти «кўк-анорранглилар» ҳужумчиси Ламин Ямалга эмас, «Бавария» форварди Ҳарри Кейнга насиб этиши ҳақида гап-сўзлар тарқалган. Бу ҳақда Sport.es хабар бермоқда.

Манба маълумотларига кўра, тақдирлаш маросимидан олдинги бир ҳафта давомида Ямалнинг ўзи ҳам Англия терма жамоаси сардори совринни қўлга киритишини олдиндан ҳис қилган.

19 ёшли вингер Лондон шаҳридаги маросимда «Бавария» раҳбариятининг тўлиқ таркибда иштирок этаётганини кўргач, Кейн ҳақиқатан ҳам «Олтин тўп» соҳиби бўлишини англай бошлаган.

Қайд этилишича, гала-маросимдан кейин Ямал меҳмонхонага бориб дам олган. У кечки овқатни ўз хонасида севгилиси Инес Гарсия билан бирга тановул қилган.