Португалия терма жамоаси сардори Криштиану Роналду Жонли жаҳон чемпионатининг 1/8 финали доирасида Испанияга қарши бўлиб ўтадиган бўлажак ўйин ҳақидаги фикрлари билан ўртоқлашди.

Роберто Мартинес шогирдлари 1/16 финал баҳсида Хорватиядан устун келишди (2:1). Португалларнинг кейинги рақиби эса бундан аввал Австрияни тор-мор этган (3:0) Испания бўлади.

«Бизни қийин ўйин кутмоқда. Испания жаҳон чемпионати фаворитларидан бири эканлигини биламиз. Оғир бўлади, лекин плей-оффда осон ўйинлар бўлмайди. Биз тайёр бўламиз, рақибни жуда яхши биламиз. Тенг курашлар остидаги ўйинни кутяпман. Кўрамиз, ҳаммаси нима билан тугар экан», – дея таъкидлади Роналду Хорватия устидан қозонилган ғалабадан сўнг журналистлар билан суҳбатда.

Португалия ва Испания ўртасидаги учрашув 6 июль куни бўлиб ўтади.