Portugaliya terma jamoasi sardori Krishtianu Ronaldu Jonli jahon chempionatining 1/8 finali doirasida Ispaniyaga qarshi bo‘lib o‘tadigan bo‘lajak o‘yin haqidagi fikrlari bilan o‘rtoqlashdi.

Roberto Martines shogirdlari 1/16 final bahsida Xorvatiyadan ustun kelishdi (2:1). Portugallarning keyingi raqibi esa bundan avval Avstriyani tor-mor etgan (3:0) Ispaniya bo‘ladi.

«Bizni qiyin o‘yin kutmoqda. Ispaniya jahon chempionati favoritlaridan biri ekanligini bilamiz. Og‘ir bo‘ladi, lekin pley-offda oson o‘yinlar bo‘lmaydi. Biz tayyor bo‘lamiz, raqibni juda yaxshi bilamiz. Teng kurashlar ostidagi o‘yinni kutyapman. Ko‘ramiz, hammasi nima bilan tugar ekan», – deya ta’kidladi Ronaldu Xorvatiya ustidan qozonilgan g‘alabadan so‘ng jurnalistlar bilan suhbatda.

Portugaliya va Ispaniya o‘rtasidagi uchrashuv 6 iyul kuni bo‘lib o‘tadi.