"Xetafe" Ispaniya chempionatining 31-tur uchrashuvida "Almeriya"dan uchralgan mag‘lubiyatdan so‘ng bosh murabbiy Kike Flores bilan shartnomani bekor qildi. O‘yin 26 aprel, chorshanba kuni bo‘lib o‘tdi va 1:2 hisobida yakunlandi.

Oxirgi besh uchrashuvda jamoa birorta ham g‘alaba qozona olmadi. Ispaniya chempionatidagi 31 uchrashuvdan so‘ng klub 31 ochko bilan 17-o‘rinda bormoqda.

Ispaniyalik mutaxassis “Xetafe” safida 2021 yilning oktyabridan buyon ishlab kelayotgan edi. Bu uning klubga uchinchi marta tayinlanishi edi. O‘tgan mavsumda jamoa La Liga turnir jadvalida 15-o‘rinni egallagandi.