"Хетафе" Испания чемпионатининг 31-тур учрашувида "Альмерия"дан учралган мағлубиятдан сўнг бош мураббий Кике Флорес билан шартномани бекор қилди. Ўйин 26 апрель, чоршанба куни бўлиб ўтди ва 1:2 ҳисобида якунланди.
Охирги беш учрашувда жамоа бирорта ҳам ғалаба қозона олмади. Испания чемпионатидаги 31 учрашувдан сўнг клуб 31 очко билан 17-ўринда бормоқда.
Испаниялик мутахассис “Хетафе” сафида 2021 йилнинг октябридан буён ишлаб келаётган эди. Бу унинг клубга учинчи марта тайинланиши эди. Ўтган мавсумда жамоа Ла Лига турнир жадвалида 15-ўринни эгаллаганди.
