"Barselona" yarim himoyachisi Frank Kessiega "Inter" katta qiziqish bildirmoqda. "Neradzurrilar" ivuarlik futbolchini yozgi transfer oynasida o‘z safiga qo‘shib olmoqchi, biroq futbolchi hozircha Xavi Ernandes jamoasini tark etishga qiziqmayapti. Bu haqda jurnalist Toni Xuanmarti ijtimoiy tarmoqlarda xabar bermoqda.
Manbaning qo‘shimcha qilishicha, Kessie o‘zining sotilishi ehtimolidan xabardor, chunki yozda "Barselona"ga pul kerak bo‘lishi mumkin. Bu holatda Frank A Seriyaga qaytishi mumkin.
Eslatib o‘tamiz, "Barselona" o‘tgan yozda Kessieni erkin agent sifatida taklif qilgandi.













