«Tottenxem» jamoaga yangi bosh murabbiy tayinlash ustida ishlashda davom etmoqda.
Nufuzli insayder Fabrisio Romanoning ijtimoiy tarmoqlarda xabar berishicha, Yulian Nagelsmann London klubining short-listida birinchi o‘rinda qolmoqda.
«Nagelsmann kim futbol direktori bo‘lishini bilmagunicha, muzokaralarning hal qiluvchi bosqichiga o‘tishga tayyor emas. Endi hammasi Daniel Levining rejalariga bog‘liq bo‘ladi», deb yozadi Romano.
Xabaringiz bor, Yulian Nagelsmann mart oyi oxirida, «Bavariya» u bilan xayrlashishga qaror qilgan paytda ishsiz qolgan edi.
Myunxen klubi boshliqlari bunday qarorga jamoaning muvaffaqiyatga erisha olmaganini sabab qilib ko‘rsatdi.
