«Тоттенхэм» жамоага янги бош мураббий тайинлаш устида ишлашда давом этмоқда.
Нуфузли инсайдер Фабрицио Романонинг ижтимоий тармоқларда хабар беришича, Юлиан Нагельсманн Лондон клубининг шорт-листида биринчи ўринда қолмоқда.
«Нагельсманн ким футбол директори бўлишини билмагунича, музокараларнинг ҳал қилувчи босқичига ўтишга тайёр эмас. Энди ҳаммаси Даниэль Левининг режаларига боғлиқ бўлади», деб ёзади Романо.
Хабарингиз бор, Юлиан Нагельсманн март ойи охирида, «Бавария» у билан хайрлашишга қарор қилган пайтда ишсиз қолган эди.
Мюнхен клуби бошлиқлари бундай қарорга жамоанинг муваффақиятга эриша олмаганини сабаб қилиб кўрсатди.
