Jahon chempionatining chorak final janglarini yuqori notada boshladik. Hasanboy Do‘smatov -51 kg vazn toifasining amaldagi chempioni yaponiyalik Tomoya Tsuboyga qarshi shiddatli jang olib bordi.

Birinchi bo‘limda zarbalar soni va aniqligi borasida vatandoshimiz ustunlikka erishdi va hakamlarning 4 nafarining ovozini oldi.

Ikkinchi raundda vaziyat biroz tenglashdi, bu safar 3 hakam hamyurtimizning ustunligini e’tirof etdi. Uchinchi bo‘limda esa yaponiyalik bokschi faollikni oshirdi va bo‘limni o‘z foydasiga hal qildi.

Yakuniy baholarni hisoblashda esa qo‘shimcha ikki hakamning ovozlari ham inobatga olindi. Natijada Hasanboy 4:3 hisobida jangni o‘z foydasiga hal qildi va yarim finalga yo‘l oldi.

Bugun yana 11 nafar hamyurtimiz ringga ko‘tariladi:

-57 kg: Abdumalik Halakov - Ishish Yusuf (Iordaniya) (B ring, 14:25 dan so‘ng)

-63,5 kg: Ruslan Abdullayev - Lounes Xamraoui (Fransiya) (A ring, 15:10 dan so‘ng)

-71 kg: Saidjamshid Ja’farov - Igor Sviridchenkov (Rossiya) (B ring, 15:25 dan so‘ng)

-92 kg Lazizbek Mullojonov - Sezar La Kruz (Kuba) (A ring, 16:25 dan so‘ng)

-54 kg: Oybek Jo‘rayev - Gabriel Eskobar (Ispaniya) (B ring, 18:40 dan so‘ng)

-60 kg: Mujibillo Tursunov - Vsevolod Shumkov (Rossiya) (B ring, 18:55 dan so‘ng)

-67 kg: Asadxo‘ja Mo‘ydinxo‘jayev - Roniel Iglesias (Kuba) (B ring, 19:25 dan so‘ng)

-75 kg: A’loxon Abdullayev - Filip Akilov (Vengriya), (B ring, 19:55 dan so‘ng)

-86 kg: Shohjahon Abdullayev - Alfonso Domingez (Ozarbayjon) (A ring, 20:25 dan so‘ng)

+92 kg: Bahodir Jalolov - Qamshibek Qo‘nqabayev (Qozog‘iston) (B ring, 21:10 dan so‘ng).