Жаҳон чемпионатининг чорак финал жангларини юқори нотада бошладик. Ҳасанбой Дўсматов -51 кг вазн тоифасининг амалдаги чемпиони япониялик Томоя Цубойга қарши шиддатли жанг олиб борди.

Биринчи бўлимда зарбалар сони ва аниқлиги борасида ватандошимиз устунликка эришди ва ҳакамларнинг 4 нафарининг овозини олди.

Иккинчи раундда вазият бироз тенглашди, бу сафар 3 ҳакам ҳамюртимизнинг устунлигини эътироф этди. Учинчи бўлимда эса япониялик боксчи фаолликни оширди ва бўлимни ўз фойдасига ҳал қилди.

Якуний баҳоларни ҳисоблашда эса қўшимча икки ҳакамнинг овозлари ҳам инобатга олинди. Натижада Ҳасанбой 4:3 ҳисобида жангни ўз фойдасига ҳал қилди ва ярим финалга йўл олди.

Бугун яна 11 нафар ҳамюртимиз рингга кўтарилади:

-57 кг: Абдумалик Ҳалаков - Ишиш Юсуф (Иордания) (Б ринг, 14:25 дан сўнг)

-63,5 кг: Руслан Абдуллаев - Лоунес Хамраоуи (Франция) (А ринг, 15:10 дан сўнг)

-71 кг: Саиджамшид Жаъфаров - Игорь Свиридченков (Россия) (Б ринг, 15:25 дан сўнг)

-92 кг Лазизбек Мулложонов - Сезар Ла Круз (Куба) (А ринг, 16:25 дан сўнг)

-54 кг: Ойбек Жўраев - Габриэль Эскобар (Испания) (Б ринг, 18:40 дан сўнг)

-60 кг: Мужибилло Турсунов - Всеволод Шумков (Россия) (Б ринг, 18:55 дан сўнг)

-67 кг: Асадхўжа Мўйдинхўжаев - Рониэль Иглесиас (Куба) (Б ринг, 19:25 дан сўнг)

-75 кг: Аълохон Абдуллаев - Филип Акилов (Венгрия), (Б ринг, 19:55 дан сўнг)

-86 кг: Шоҳжаҳон Абдуллаев - Альфонсо Домингез (Озарбайжон) (А ринг, 20:25 дан сўнг)

+92 кг: Баҳодир Жалолов - Қамшибек Қўнқабаев (Қозоғистон) (Б ринг, 21:10 дан сўнг).