«Барселона» бош мураббийи Ханс-Дитер Флик ҳали ҳам ўз жамоасида мадриднинг «Атлетико» клуби ҳужумчиси Хулиан Альваресни кўришни истамоқда.
Германиялик мутахассис ўз клубига ушбу трансфер амалга ошиши учун имкон қадар барча нарсани қилишда давом этишни сўраб мурожаат қилди, деб хабар беради журналист Жерар Ромеро. Флик «матрасчилар» 26 ёшли форвардни сотишга қанчалик кескин қаршилик кўрсатишмасин, «кўк-анорранглилар» аргентиналик футболчи учун охиригача курашиши керак деб ҳисоблайди.
«Барселона» Хулиан Альварес учун тахминан 100 миллион евро таклиф қилди. Футболчининг ўзи ҳам «Атлетико»ни уни Каталонияга қўйиб юборишга кўндиришга ҳаракат қилмоқда, аммо ҳозирча бу натижа бермаяпти.
