Бугун, амалда, 2026 йилги Осиё ўйинларининг сўнгги фаол куни. Эртага от спортида фақат иккита медаллар жамланмаси ўйналади.

Бугун 47 та дастурда медаллар учун баҳслар ўтказилиши режалаштирилган бўлиб, шулардан 11 тасида ғолиблар аниқланди.

Ўзбекистон терма жамоаси учун энг сермаҳсул Осиё ўйинлари — Ханчжоу-2022 натижасидан (22 та олтин, 18 та кумуш, 31 та бронза, жами 71 медаль) ошиш учун спортчиларимиз яна 3 та олтин ва умумий ҳисобда 7 та медаль қўлга киритиши керак.

Алоҳида қайд этиш жоизки, Ўзбекистон терма жамоаси Осиё ўйинларининг умумий медаллар жадвалида ҳеч қачон тўртинчи ўринни эгалламаган. Энг юқори натижа — тўрт марта қайд этилган бешинчи ўрин: Хиросима-1994, Пусан-2002, Жакарта-2018 ва Ханчжоу-2022.