Ўзбекистон чемпионати 2028-йилдан куз-баҳор тизимига ўтмоқчи. Бу ҳақда ЎзПФЛ бугун бўлиб ўтаётган йиғилишда маълум қилди.
Режага кўра, 2027 йилги мавсум баҳор-куз тизимида ўтади.
2028 йилнинг март-май ойларида эса фақат Ўзбекистон кубоги баҳслари ўтказилади.
2028 йил 18 август санасидан Суперлиганинг янги мавсумига старт берилади. Биринчи давра 24 декабргача давом этади.
Шундан сўнг 2 ойлик дам олиш кўзда тутилмоқда.
2029 йил 24 февраль кунидан иккинчи давра бошланади ва у 31 майгача давом этади.
Албатта, бу ҳозирча лойиҳа. У тасдиқланганидан кейин кучга киради.
