Куни кеча Ўзбекистон миллий жамоаси таркибида дебют қилиб энг ёш ўйинчи бўлиб турган Муҳаммад Ҳакимов Дортмунднинг "Боруссия" клубига ўтиши кутилмоқда. Бу ҳақда "Футбол ҳақида" телеграм канали хабар тарқатди.
"Муҳаммад деярли "Боруссия Д" аъзоси ҳисобланади. Профессионал шартнома имзоланишига фақат унинг ёши халақит қилиб турибди. ФИФА қоидаларига биноан, футболчи 18 ёшга тўлмагунча у билан профессионал шартнома тузиб бўлмайди.
Шунинг ҳисобига, футболчи ҳозирча Ўзбекистонда боруссияликлар назорати остида ўйнаб турибди.
Унинг агенти — Ҳусановнинг ҳам агенти бўлган Ғайрат Хасбиулин ҳисобланади", — дейилади хабарда.
