Аввал «Манчестер Юнайтед» сафида тўп тепган бразилиялик ярим ҳимоячи Фред «қизил иблислар»нинг собиқ бош мураббийи Эрик тен Хаг ҳақида фикр билдирди.
«У тактик жиҳатдан кучли эди, аммо жамоа билан муносабатда ўзини жуда қўпол тутарди. Тен Хаг деярли ҳамма билан тортишарди — Роналду, Каземиро, Рэшфорд...
У баъзида мени майдонга туширмасди ва бу ҳатто мени стресс ҳолатига олиб келарди. У кўпроқ ўз ватандошларига ишонч билдирарди.
Тен Хаг Роналдуни таркибдан четлатиб, шундан кейин жамоа яхшироқ ҳаракат қилади, деб умид қилган эди. Аммо бу қарордан сўнг жамоа ичида келишмовчиликлар бошланди», — деди Фред ESPN нашрига.
Эслатиб ўтамиз, Эрик тен Хаг 2022 йилдан 2024 йилга қадар «Манчестер Юнайтед» бош мураббийи лавозимида ишлаган.
