Kataloniyaning "Barselona" klubi moliyaviy feyr-pley bilan bog‘liq muammolarga qaramay, yozda o‘z safiga 7 nafar yangi futbolchini qo‘shib olmoqchi.

Sport xabariga ko‘ra, ko‘p narsa La Liganing 19 may kuni "ko‘k-anorranglilar"ning moliyaviy rejasini ma’qullashiga bog‘liq bo‘ladi.

"Barselona" yozgi transfer oynasida bir vaqtning o‘zida bir nechta pozisiyalarni mustahkamlamoqchi. Serxio Buskets o‘rniga klub "Real Sosyedad"ning markaziy yarim himoyachisi Martin Subimendi bilan shartnoma imzolamoqchi. Yana bir yarim himoyachi Ilkay Gyundogan "Barselona"ning radarida. Asosiy maqsad Lionel Messining qaytishi bo‘lib qolmoqda, ammo bundan tashqari jamoa himoya markaziga Inigo Martinesni, shuningdek, yangi o‘ng qanot himoyachisini ham taklif qilishni rejalashtirmoqda.

Eslatib o‘tamiz, yaqinda "Barselona" La Liga chempionligini qo‘lga kiritgandi.