Каталониянинг "Барселона" клуби молиявий фейр-плей билан боғлиқ муаммоларга қарамай, ёзда ўз сафига 7 нафар янги футболчини қўшиб олмоқчи.

Sport хабарига кўра, кўп нарса Ла Лиганинг 19 май куни "кўк-анорранглилар"нинг молиявий режасини маъқуллашига боғлиқ бўлади.

"Барселона" ёзги трансфер ойнасида бир вақтнинг ўзида бир нечта позицияларни мустаҳкамламоқчи. Серхио Бускетс ўрнига клуб "Реал Сосьедад"нинг марказий ярим ҳимоячиси Мартин Субименди билан шартнома имзоламоқчи. Яна бир ярим ҳимоячи Илкай Гюндоган "Барселона"нинг радарида. Асосий мақсад Лионель Мессининг қайтиши бўлиб қолмоқда, аммо бундан ташқари жамоа ҳимоя марказига Иньиго Мартинесни, шунингдек, янги ўнг қанот ҳимоячисини ҳам таклиф қилишни режалаштирмоқда.

Эслатиб ўтамиз, яқинда "Барселона" Ла Лига чемпионлигини қўлга киритганди.