Braziliyalik hujumchi Luis Arauxo "Atlanta Yunayted"dan "Flamengo"ga o‘tdi, deb xabar beradi MLS klubining rasmiy sayti.
Xabar qilinishicha, transfer summasi 9 million yevroni tashkil qilgan. 26 yoshli Arauxoning Braziliya klubi bilan shartnomasi 2027 yilning yoziga qadar mo‘ljallangan.
Bu yil vinger “Atlanta” safida 14 ta o‘yinda maydonga tushib, 3 ta gol urdi va 3 ta golli uzatmani amalga oshirdi. Hozirda Transfermarkt braziliyalik futbolchini 6 million yevroga baholamoqda.
Bungacha Arauxo "Lill", "San-Paulu" va "Mirasol" kabi klublarda o‘ynagan. Fransiya chempionatida futbolchi Liga 1 g‘olibi va Fransiya Superkubogi sohibiga aylandi. E’tiborli tomoni, Arauxo xalqaro turnirlarda o‘z mamlakati terma jamoasi sharafini himoya qilmagan.
