Бразилиялик ҳужумчи Луис Араухо "Атланта Юнайтед"дан "Фламенго"га ўтди, деб хабар беради МЛС клубининг расмий сайти.
Хабар қилинишича, трансфер суммаси 9 миллион еврони ташкил қилган. 26 ёшли Араухонинг Бразилия клуби билан шартномаси 2027 йилнинг ёзига қадар мўлжалланган.
Бу йил вингер “Атланта” сафида 14 та ўйинда майдонга тушиб, 3 та гол урди ва 3 та голли узатмани амалга оширди. Ҳозирда Transfermarkt бразилиялик футболчини 6 миллион еврога баҳоламоқда.
Бунгача Араухо "Лилль", "Сан-Паулу" ва "Мирасол" каби клубларда ўйнаган. Франция чемпионатида футболчи Лига 1 ғолиби ва Франция Суперкубоги соҳибига айланди. Эътиборли томони, Араухо халқаро турнирларда ўз мамлакати терма жамоаси шарафини ҳимоя қилмаган.
