"Ювентус" молиявий мувозанатни сақлаш мақсадида жамоа ҳужумчиси Кенан Йилдизни сотишга мажбур бўлиши мумкин.
Sky Italia журналисти Жанлука Ди Марционинг маълум қилишича, Турин клуби ёзги трансфер ойнасида 70–80 миллион евро даромад топиши керак. Бунинг учун бир нечта футболчини ёки Йилдиз каби қимматбаҳо ўйинчини сотиш варианти кўриб чиқилмоқда.
"Ювентус" Йилдизнинг эҳтимолий кетишига тайёргарлик сифатида унинг позицияси учун Алайбеговични қўлга киритган.
"Арсенал" ва "Тоттенхэм" ёзда Йилдизнинг нархини сўраган. Агар "Ювентус" трансферга рози бўлганида, улар 100 миллион евродан ортиқ таклиф беришга тайёр эди.
Агар Йилдиз сотиладиган бўлса, унинг нархи тахминан 150 миллион еврони ташкил этади. Менимча, унга энг жиддий қизиқиш билдираётган клублардан бири "Арсенал". "Тоттенхэм" ҳам даъвогар, аммо курашда "Арсенал" устунроқ", — деди Ди Марцио.
Шу тариқа, туркиялик футболчи келаси ёзда АПЛга йўл олиши мумкин. Бироқ ҳозирча унинг сотилиши бўйича якуний қарор қабул қилинмаган.
