O‘zbekiston U20 terma jamoasi kecha yoshlar o‘rtaisdagi jahon chempionatining ilk turida Argentinaga qarshi maydonga tushib, 1:2 hisobida yutqazdi. FIFA rasmiy sayti mazkur o‘yinda turli ko‘rsatkichlar bo‘yicha eng yaxshi natija qayd etgan futbolchilar statistikasini ma’lum qildi.

O‘zbekiston terma jamoasi sardori Umarali Rahmonaliyev ikkita ko‘rsatkich bo‘yicha eng yaxshi natija qayd etdi. "Rubin" futbolchisi uchrashuv davomida 12,59 km masofani bosib, eng ko‘p yugurgan o‘yinchi bo‘ldi.

Shuningdek, Rahmonaliyev o‘yin davomida 80 marta tezlik olgan futbolchi bo‘ldi. Bu ham maydonda harakat qilganlar orasida eng yaxshisi bo‘ldi.

Terma jamoamiz safida gol muallifiga aylangan Mahmudjon Mahamadjonov esa qanot bo‘ylab eng ko‘p oldinga o‘tishga uringan o‘yinchi bo‘ldi — 33 marta. Ulardan 21 tasi muvaffaqiyatli chiqdi.

Po‘latxo‘ja Xoldorxonov esa himoya va yarim himoya orasida to‘pni eng ko‘p qabul qilgan o‘yinchi bo‘ldi — 20 marta.