“Bashakshehir” hujumchisi Eldor Shomurodov Turkiya Superligasining 8-turidan o‘rin olgan “Gaziantep”ga qarshi kechgan uchrashuvda (2:1) asosiy tarkibda maydonga tushdi. Futbolchining o‘yini Sofascore portali tomonidan 7,4 ballga baholandi.
Shomurodov o‘yin davomida 41 marta to‘pga tegindi. U amalga oshirgan 27 ta uzatmaning 21 tasi aniq bo‘ldi (78 foiz aniqlik). Hujumchi darvoza tomon umumiy 1 marta zarba yo‘lladi va bu zarba gol bilan yakunlandi. Shuningdek, u 1 ta golli uzatmani amalga oshirdi.
Shomurodovning kutilgan gollar ko‘rsatkichi (xG) 0,71, kutilgan assistlari (xA) esa 0,15 ga teng bo‘ldi. Yakkakurashlarda esa hujumchi unchalik muvaffaqiyatli harakat qilmadi: yerdagi sakkizta kurashning faqat bittasida g‘alaba qozondi. Havodagi ikki kurashda esa raqiblaridan ustun kela olmadi. Eldor uch marta dribling orqali raqibidan o‘tishga urindi va bu harakatlarning faqat bittasi muvaffaqiyatli chiqdi.
“Bashakshehir” safida to‘p tepadigan ikkinchi o‘zbekistonlik futbolchi — Abbosbek Fayzullayev esa uchrashuv davomida maydonga tushirilmadi.
Uchrashuvning eng yaxshi futbolchisi deb mezbonlar a’zosi Andreas Skov Olsen (7,9 ball) hamda “Gaziantep” yarimhimoyachisi Kshishtof Kozlovski (7,9 ball) topildi.
