Londonning “Arsenal” jamoasi “Nottingem Forest”dan mag‘lubiyatga uchragach, APL chempioni aniqlandi – "Manchester Siti" o‘z tarixida 9-bor bu sovrinni qo‘lga kiritdi. Bu muvaffaqiyat “shaharliklar”ga chempionlik g‘alabalari bo‘yicha Angliya futboli tarixidagi eng nomdor klublar beshligiga kirish imkonini berdi.
"Manchester Yunayted" ligada 20 ta, "Liverpul" 19 ta, "Arsenal" 13 ta, "Everton" esa 9 ta chempionlikka ega, shuningdek, "Manchester Siti" hisobida ham 9 ta chempionatdagi muvaffaqiyat bor.
"Aston Villa" va "Sanderlend" 6 tadan, "Chelsi" esa 5 ta chempionlik sovriniga ega.
