Yarim himoyachi Bukayo Saka "Arsenal" bilan yangi uzoq muddatli shartnoma imzoladi. Bu haqda ijtimoiy tarmoqlarda nufuzli insayder Fabrisio Romano xabar berdi.
Qayd etilishicha, Saka va «kanonirlar» o‘rtasida og‘zaki kelishuvga hali fevral oyida erishilgan.
London klubi yaqin orada Bukayo bilan shartnoma uzaytirilganini rasman e’lon qilishi kerak.
Bukayo Saka “Arsenal” tarbiyalanuvchisi hisoblanadi. "Kanonirlar"ning asosiy jamoasi uchun yarim himoyachi 178 o‘yin o‘tkazib, 37 gol urgan va sheriklariga 40 golli uzatma bergan.













