“Tottenxem”ning vaqtinchalik bosh murabbiyi Rayan Meyson jamoadagi qiyinchiliklar haqida gapirdi.

Premyer-ligada mavsum yakunlanishiga bir tur qolganida “shporlar” yevrokuboklarga yo‘llanmasiz qolib ketish xavfi ostida turibdi.

“Oxirgi ikki-uch yil ichida jamoa ikki-uch xil uslubda o‘ynadi, bu, albatta, natijalarga, futbolchilar va muxlislarning holatiga ijobiy ta’sir ko‘rsata olmaydi. Doimiy ravishda murabbiylarni, futbolchilarni, xodimlarni yo‘qotib, biror narsaga erishish qiyin. Siz hamma narsani noldan boshlashingiz kerak ", - deydi murabbiy.