“Тоттенхэм”нинг вақтинчалик бош мураббийи Раян Мейсон жамоадаги қийинчиликлар ҳақида гапирди.
Премьер-лигада мавсум якунланишига бир тур қолганида “шпорлар” еврокубокларга йўлланмасиз қолиб кетиш хавфи остида турибди.
“Охирги икки-уч йил ичида жамоа икки-уч хил услубда ўйнади, бу, албатта, натижаларга, футболчилар ва мухлисларнинг ҳолатига ижобий таъсир кўрсата олмайди. Доимий равишда мураббийларни, футболчиларни, ходимларни йўқотиб, бирор нарсага эришиш қийин. Сиз ҳамма нарсани нолдан бошлашингиз керак ", - дейди мураббий.
