Бразилиялик афсонавий собиқ ҳужумчи Роналдо Испания ва Аргентина терма жамоалари ўртасида бўлиб ўтадиган 2026 йилги жаҳон чемпионати финали учун ўз тахминини билдирди. Учрашув бугун бўлиб ўтади ва Тошкент вақти билан соат 00:00 да бошланиши режалаштирилган.
«Менимча, Испания Аргентинани жуда осонлик билан мағлуб этади. Мен учун чемпион ё Испания, ёки Франция бўлиши керак эди, шунинг учун ушбу финалда испанларда ҳеч қандай муаммо туғилмаслиги лозим», — дея икки карра жаҳон чемпиони Роналдонинг сўзларини келтиради AlbicelesteTalk.
Испания терма жамоаси ўз тарихида бир марта — 2010 йилда жаҳон чемпионатида зафар қучган. Аргентина эса уч бор (1978, 1986 ва 2022 йилларда) бош совринга эга чиққан.
