Madridning “Real” klubi yarim himoyachisi Luka Modrich Saudiya Arabistoniga o‘tish uchun “qirollik klubi”ni tark etishi mumkin. Bu haqda Diario Sport nashri xabar bermoqda.

Manba bergan xabarga ko‘ra, 37 yoshli yarim himoyachi uch mavsum uchun 120 million yevrolik foydali taklif olgan.

Shu tariqa xorvatiyalikning yillik maoshi 40 million yevroni tashkil qiladi. Luka go‘yoki "qaymoqranglilar" rahbariyatini klubini o‘zgartirish istagi haqida xabardor qilgan.

Modrich 2012 yildan beri "Real"da o‘ynamoqda. Futbolchining madridliklar bilan amaldagi mehnat shartnomasi shu oy oxirigacha hisoblangan.

Luka joriy mavsumda La Ligada 32 ta o‘yinda maydonga tushib, 4 ta gol urdi va 3 ta golli uzatmani amalga oshirdi.