Мадриднинг “Реал” клуби ярим ҳимоячиси Лука Модрич Саудия Арабистонига ўтиш учун “қироллик клуби”ни тарк этиши мумкин. Бу ҳақда Diario Sport нашри хабар бермоқда.
Манба берган хабарга кўра, 37 ёшли ярим ҳимоячи уч мавсум учун 120 миллион евролик фойдали таклиф олган.
Шу тариқа хорватияликнинг йиллик маоши 40 миллион еврони ташкил қилади. Лука гўёки "қаймоқранглилар" раҳбариятини клубини ўзгартириш истаги ҳақида хабардор қилган.
Модрич 2012 йилдан бери "Реал"да ўйнамоқда. Футболчининг мадридликлар билан амалдаги меҳнат шартномаси шу ой охиригача ҳисобланган.
Лука жорий мавсумда Ла Лигада 32 та ўйинда майдонга тушиб, 4 та гол урди ва 3 та голли узатмани амалга оширди.
