Madridning "Real" klubi "Bavariya" bilan Alfonso Devis transferi bo‘yicha muzokaralar olib bordi.

Marca xabariga ko‘ra, myunxenliklar kelishuv tuzish imkoniyati haqidagi savolga salbiy javob bermagan.

Klub himoyachiga asosiy o‘yinchilardan biri sifatida ishonadi, ammo uning 2025 yilgacha amal qiladigan shartnomani uzaytirishni istamasligi uzoq muddatli hamkorlikka shubha uyg‘otadi.

"Real Madrid" vakillari Devis o‘yinlarini kuzatish uchun ikki marta Myunxenda bo‘lishdi va ba’zi manbalarga ko‘ra, uning atrofidagilar bilan aloqada bo‘lishgan.

22 yoshli futbolchi joriy mavsumda Bundesligada 26 ta o‘yinda maydonga tushib, 1 ta gol urdi.