"Chelsi" futbolchisi Kay Xavers "Real" bilan shartnoma imzolashga og‘zaki rozi bo‘ldi. Madrid giganti 23 yoshli nemisning vakillariga tez orada u uchun "Chelsi" ofisiga taklif yuborishini aytdi. Hozircha Xavers bo‘yicha klublar o‘rtasida aloqa yo‘q.
Kay Xavers juda ko‘p qirrali futbolchi. U nafaqat hujumning eng yuqori nuqtasida, balki hujumkor yarim himoyachi va o‘ng qanot hujumchisi pozisiyalarida ham o‘ynay oladi.
Transfermarkt portali ekspertlari uni 60 million yevroga baholamoqda. 2022/2023 yilgi mavsumda nemis futbolchisi “Chelsi” safida 47 ta o‘yinda 9 ta gol urgan.
