Italiyaning "Milan" klubi sobiq himoyachisi Kristian Panuchchi o‘tgan asrning 90-yillarida jamoa sharafini himoya qilgan Paolo Maldinining klub boshqaruvidan ketishiga munosabat bildirdi.
"Paolo sobiq sardorga yarasha mas’uliyatli shaxs. Menimcha, Maldini va Massaraning o‘ta shuhratparast va dadil rejalari bor edi. Ularning ketganidan hafsalam pir bo‘ldi. O‘ylaymanki, "Milan" uchun qiyin kunlar keldi", - dedi Panuchchi pianetamilan.it bilan suhbatda.
Panuchchi Italiya klubida 1993 yildan 1996 yilgacha o‘ynagan.
