Italiya chempionatining joriy mavsumida 17 va 18-o‘rinni egallagan «Spesiya» va «Verona» jamoalar bir xil ochko to‘plagani uchun ular A seriyada qolish uchun qo‘shimcha o‘yinda ishtirok etishdi.

Veronaliklar 5-daqiqada Faraoni tomonidan urilgan gol evaziga hisobni ochishdi. 15-daqiqada esa «Spesiya» hisobni tenglashtirdi. Bu golga Eldor Shomurodov assistentlik qildi.

"Verona" hujumchisi Ngonj 26 va 38-daqiqalarda 2 ta gol urib, jamoasini oldinga olib chiqdi.

Ikkkinchi bo‘lim o‘rtalarida Shomurodov darvozabon bilan yakkama-yakka vaziyatga chiqdi va to‘pni uning ustidan oshirib qo‘ydi. Darvozaga kirayotgan to‘pni Faraoni qo‘li bilan yuqoriga urib yubordi. Himoyachi maydondan chetlatildi va penalti belgilandi. "Spesiya" hujumchisi Mbala Nzola 11 metrli jarima zarbasini ishonchsiz tepgani uchun darvozabon uni qaytardi.

O‘yin so‘ngida «Spesiya» futbolchisining zarbasidan keyin to‘p to‘singa tegib qaytdi. Shu tariqa, jamoa B seriyaga tushib ketdi. Shomurodov esa endi O‘zbekiston milliy jamoasi safiga yetib keladi.

Italiya chempionati, qo‘shimcha o‘yin
Spesiya – Verona 1:3 (1:3, 0:0)
Gollar: 0:1 – 5 Faraoni, 1:1 – 15 Ampadu, 1:2 – 26 Ngonj, 1:3 – 38 Ngonj.
Noaniq penalti: Mbala Nzola (70, darvozabon)
Spesiya – Drongovski, Ferrer (Agudelo, 83), Nikolau, Ampadu, Visnevski (Verde, 53), Resa, Burabiya, Jurkovski (Kovalenko, 65), Espozito (Sipot, 83), Shomurodov, Nzola.
Verona – Montipo, Faraoni, Davidovich (Kabal, 59), Manyani (Koppola, 85), Xin, Depaoli, Lazovich (Verdi, 59), Tamez, Sulemana, Ngonj (Terrachchano, 76), Jurich (Gaych, 76).
Ogohlantirishlar: Xin (14), Depaoli (28), Davidovich (31), Montipo (66), Ngonj (70), Resa (71), Espozito (77).
Chetlatish: Faraoni (68).