Италия чемпионатининг жорий мавсумида 17 ва 18-ўринни эгаллаган «Специя» ва «Верона» жамоалар бир хил очко тўплагани учун улар А серияда қолиш учун қўшимча ўйинда иштирок этишди.

Вероналиклар 5-дақиқада Фараони томонидан урилган гол эвазига ҳисобни очишди. 15-дақиқада эса «Специя» ҳисобни тенглаштирди. Бу голга Элдор Шомуродов ассистентлик қилди.

"Верона" ҳужумчиси Нгонж 26 ва 38-дақиқаларда 2 та гол уриб, жамоасини олдинга олиб чиқди.

Икккинчи бўлим ўрталарида Шомуродов дарвозабон билан яккама-якка вазиятга чиқди ва тўпни унинг устидан ошириб қўйди. Дарвозага кираётган тўпни Фараони қўли билан юқорига уриб юборди. Ҳимоячи майдондан четлатилди ва пенальти белгиланди. "Специя" ҳужумчиси Мбала Нзола 11 метрли жарима зарбасини ишончсиз тепгани учун дарвозабон уни қайтарди.

Ўйин сўнгида «Специя» футболчисининг зарбасидан кейин тўп тўсинга тегиб қайтди. Шу тариқа, жамоа B серияга тушиб кетди. Шомуродов эса энди Ўзбекистон миллий жамоаси сафига етиб келади.

Италия чемпионати, қўшимча ўйин
Специя – Верона 1:3 (1:3, 0:0)
Голлар: 0:1 – 5 Фараони, 1:1 – 15 Ампаду, 1:2 – 26 Нгонж, 1:3 – 38 Нгонж.
Ноаниқ пенальти: Мбала Нзола (70, дарвозабон)
Специя – Дронговски, Феррер (Агудело, 83), Николау, Ампаду, Висьневски (Верде, 53), Реца, Бурабия, Журковски (Коваленко, 65), Эспозито (Ципот, 83), Шомуродов, Нзола.
Верона – Монтипо, Фараони, Давидович (Кабаль, 59), Маньяни (Коппола, 85), Хин, Депаоли, Лазович (Верди, 59), Тамез, Сулемана, Нгонж (Терраччано, 76), Журич (Гайч, 76).
Огоҳлантиришлар: Хин (14), Депаоли (28), Давидович (31), Монтипо (66), Нгонж (70), Реца (71), Эспозито (77).
Четлатиш: Фараони (68).