"Barselona" yarim himoyachisi Frenki de Yong kelajagi haqida gapirdi.
"Men har doimgidek "Barsa"da o‘zimni yaxshi his qilyapman. Agar hammasi rejadagidek ketsa, kelasi mavsumda men “Barselona”da qolaman. Futbolda siz hech qachon 100 foiz hech narsaga kafolat bera olmaysiz, ammo men ishonamanki, kelasi yili "Barselona"da bo‘laman", - deya de Yong so‘zlarini keltiradi jurnalist Fabrisio Romano.
26 yoshli niderlandiyalik futbolchining “Barselona” bilan shartnomasi 2026 yilning yoziga qadar tuzilgan. U o‘tgan mavsumda jamoa safida barcha turnirlarda 43 ta o‘yinda maydonga tushib, 2 ta gol urdi va 4 ta golga assistentlik qildi.
