"Milan" "Vilyarreal" hujumchisi Samuel Chukvuezening transferi ustida ishlashda davom etmoqda.
Italiya klubi yaqinda "Real" bilan birga 24 yoshli futbolchiga asosiy da’vogarlardan biri sifatida ko‘rilayotgandi.
Sky Sport nashrining so‘nggi xabariga ko‘ra, seshanba kuni Milan rahbariyati Chukvueze vakillari bilan uchrashuv o‘tkazgan. Tomonlar mumkin bo‘lgan hamkorlik shartlarini muhokama qilishdi, ammo hozircha hech narsa bo‘yicha kelishib olishmadi. Rasmiy muzokaralar hali boshlanmagan.
Samuel Chukvueze o‘tgan mavsumda "Vilyarreal"ning 50 ta o‘yinida maydonga tushib, 13 ta gol va 11 ta golga assistentlik qilgan. Transfermarkt portali hujumchining narxini 25 million yevroga baholamoqda.
