"Tottenxem" va "Yuventus" Deyan Kulushevski transferi shartlarini kelishib olish arafasida.
Hujumkor yarim himoyachining bir yarim yillik ijara muddati nihoyasiga yetmoqda, biroq shvedni "shporlar" to‘liq o‘z safiga qo‘shib olmoqchi ekani ma’lum. Insayder Fabrisio Romanoning so‘zlariga ko‘ra, “keksa sinyora” bilan muzokaralar muvaffaqiyatli o‘tmoqda va shiddat bilan davom etmoqda. Hammasi shundan iboratki, yaqin orada klublar kelishuvga erishadilar - 23 yoshli futbolchining transfer qiymati taxminan 30 million yevroni tashkil qiladi.
Deyan Kulushevski "Tottenxem" safida jami 57 ta o‘yinda maydonga tushib, 7 ta gol va 16 ta golli uzatmaga mualliflik qilgan.