Dortmundning "Borussiya" klubi vingeri Karim Adeyemi faoliyatini "Real"da davom ettirishi mumkin.
Bild xabariga ko‘ra, Madrid klubi 21 yoshli futbolchini o‘z safiga qo‘shib olishga qiziqish bildirmoqda. Ispaniya klubi allaqachon nemis vakillari bilan aloqaga chiqqan.
"Real Madrid" tezlikka ega hujumkor o‘yinchi qidirmoqda va o‘tgan mavsumda 36,7 km/soat tezlik bilan Bundesliga tezligi rekordini o‘rnatgan Adeyemi bu talablarga mos keladi.
Dortmundliklar Karimni kamida 80 million yevrolik taklif evaziga sotishni ko‘rib chiqishga tayyor.
Eslatib o‘tamiz, Madridning "Real" klubi shu yozda "Borussiya Dortmund"dan bir futbolchi - yarim himoyachi Jud Bellingemni 103+30,9 million evroga sotib olgandi.