"Manchester Siti" himoyachisi Joau Kanselu "Real"ga o‘tmoqchi.
Portugaliyalik futbolchi yanvar oyidan beri "Bavariya"da o‘ynamoqda, ammo myunxenliklar 29 yoshli futbolchini 70 million yevroga sotib olish variantini faollashtirmaslikka qaror qilishdi. "Manchester Siti" ham lateralni rejalariga kiritgani yo‘q, shuning uchun yaqin oylarda u bilan xayrlashishi mumkin. Jurnalist Maksimilian Koxning yozishicha, Kanseluning orzu klubi - "Real". "Barselona" qiziqishiga qaramay, futbolchi faoliyatini qaymoqlilar lagerida davom ettirishni afzal ko‘rmoqda.
Joau Kanseluning "Manchester Siti" bilan shartnomasi 2027 yilgacha mo‘ljallangan va Transfermarkt tomonidan 60 mln yevroga baholangan.













