"Манчестер Сити" ҳимоячиси Жоау Канселу "Реал"га ўтмоқчи.
Португалиялик футболчи январь ойидан бери "Бавария"да ўйнамоқда, аммо мюнхенликлар 29 ёшли футболчини 70 миллион еврога сотиб олиш вариантини фаоллаштирмасликка қарор қилишди. "Манчестер Сити" ҳам латерални режаларига киритгани йўқ, шунинг учун яқин ойларда у билан хайрлашиши мумкин. Журналист Максимилиан Кохнинг ёзишича, Канселунинг орзу клуби - "Реал". "Барселона" қизиқишига қарамай, футболчи фаолиятини қаймоқлилар лагерида давом эттиришни афзал кўрмоқда.
Жоау Канселунинг "Манчестер Сити" билан шартномаси 2027 йилгача мўлжалланган ва Transfermarkt томонидан 60 млн еврога баҳоланган.
