Ярим ҳимоячи Жуд Беллингем ушбу ёзда Мадриднинг «Реал» клубини тарк этиши мумкин эди.

Журналист Пепе Альвареснинг маълумотларига кўра, футболчининг отаси Марк Беллингем ўтган мавсум охирида спорт масалаларига оид келишмовчиликлар сабабли ўғлининг жамоадан кетишини муҳокама қилиш учун «қироллик клуби» раҳбарияти билан учрашув ўтказган. Аммо «қаймоқранглилар»нинг жавоби қатъий ва кескин бўлган: Жуд сотилмайди.

Эслатиб ўтамиз, Жуд Беллингем 2023 йили Дортмунднинг «Боруссия» клубидан «Реал»га 127 миллион евро эвазига ўтган эди. Унинг мадридликлар билан шартномаси 2029 йилнинг 30 июнигача мўлжалланган. Ҳаммаси бўлиб англиялик ярим ҳимоячи «Реал» сафида барча турнирларда 140 та ўйин ўтказиб, 46 та гол урди ва 33 та голли узатмага муаллифлик қилди.