El Chiringuito TV журналисти Хосе Альвареснинг хабар беришича, Хулиан Альвареснинг атрофидагилар "Атлетико" аргентиналик ҳужумчини январ ойида "Барселона"га таклиф қилиши мумкин, деб ҳисобламоқда.
Журналистнинг қўшимча қилишича, қишки трансфер ойнасида "Барселона" Хулиан Альваресни харид қилиш учун молиявий фэйр-плей билан боғлиқ чекловларга дуч келмаслиги кутилмоқда.
Ёзда "Атлетико" футболчининг хоҳишига қарамай, унинг "Барселона"га ўтишига тўсқинлик қилган эди. Шундан сўнг Альварес ва Мадрид клуби ўртасидаги муносабатлар ҳам совуқлашгани айтилмоқда.
26 ёшли ҳужумчи келажакда "Барселона" сафида ўйнаш орзусидан ҳали ҳам воз кечмаган. Каталония клуби ҳам уни трансфер қилишга қизиқиш билдирмоқда.
Хабарларга кўра, "Барселона" келгуси трансфер ойналарида имконият пайдо бўлса, Альваресни харид қилиш учун катта маблағ сарфлашга тайёр.
"Атлетико"нинг "Ювентус"дан Жонатан Дэвидни трансфер қилгани ҳам Мадрид клуби Альваресга ўринбосар тайёрлаётганининг белгиси бўлиши мумкин.
