Мадриднинг «Реал» клуби шу ёзда янги голкипер билан шартнома имзолаш вариантини кўриб чиқмоқда.
Журналист Жорже Пиконнинг маълумотларига кўра, мадридликлар раҳбарияти Тибо Куртуа янги мавсумга юз фоиз тайёр эмас деб ҳисоблайди ва ёши ўтгани сайин бу вазият фақат ёмонлашиб боришидан хавотирда. Шунингдек, «қироллик клуби» Андрей Лунинни «қаймоқранглилар»нинг асосий дарвозабони ролига мос келмайди деб ҳисобламоқда. Шу сабабли Мадрид клуби янги голкипер қидиришни бошлаган.
Шу билан бирга, «Реал» фақат реал ва оқилона вариантларнигина кўриб чиқиши таъкидланмоқда. Жамоа дарвозабонлар учун ортиқча пул сарфламоқчи эмас.
