Madridning «Real» klubi shu yozda yangi golkiper bilan shartnoma imzolash variantini ko‘rib chiqmoqda.

Jurnalist Jorje Pikonning ma’lumotlariga ko‘ra, madridliklar rahbariyati Tibo Kurtua yangi mavsumga yuz foiz tayyor emas deb hisoblaydi va yoshi o‘tgani sayin bu vaziyat faqat yomonlashib borishidan xavotirda. Shuningdek, «qirollik klubi» Andrey Luninni «qaymoqranglilar»ning asosiy darvozaboni roliga mos kelmaydi deb hisoblamoqda. Shu sababli Madrid klubi yangi golkiper qidirishni boshlagan.

Shu bilan birga, «Real» faqat real va oqilona variantlarnigina ko‘rib chiqishi ta’kidlanmoqda. Jamoa darvozabonlar uchun ortiqcha pul sarflamoqchi emas.