"Real Madrid" yarim himoyachisi Federiko Valverde "qirollik klubi"ni tark etishi haqida berilgan savolga javob berdi. Eslatib o‘tamiz, urugvaylik uchun keyingi mavsumdan boshlab "Qirollik klubi"ning asosiy tarkibi uchun kurash yanada keskinlashadi, chunki yaqinda "Real Madrid" yarim himoyachi Jud Bellingemni 100 million yevrodan ko‘proq evaziga sotib oldi.
"Real Madrid"ni tark etasizmi? Hech qanday holatda. Men bu klub bilan o‘tkazgan har bir daqiqamdan zavq olaman. Men sayyoramizning eng yaxshi jamoasi tarixida o‘z izimni qoldirishni xohlayman", - deya Valverdening so‘zlarini keltiradi ESPN.
Federiko o‘tgan mavsum Ispaniya chempionatida 7 ta gol urdi va 4 ta golli uzatmani amalga oshirdi.
