Bolavip xabariga ko‘ra, "Roma" "Flamengo" himoyachisi Ayrton Lukasga qiziqish bildirmoqda.
Manbaga ko‘ra, "Roma" himoyaning chap qanoti pozisiyasini mustahkamlamoqchi va bu o‘rin uchun "Spartak"ning sobiq himoyachisini sotib olishni ko‘rib chiqmoqda. Italiya jamoasi rahbariyati futbolchi uchun 12 million yevro taklif qilishga tayyor.
26 yoshli Ayrton 2019 yildan 2022 yilgacha “Spartak” safida to‘p tepgan. O‘tgan bahorda futbolchi "Flamengo"ga ijaraga berilgan, keyinroq Braziliya klubi himoyachini Moskva jamoasidan sotib olgandi.
2023 yilgi mavsumda Ayrton Rio-de-Janeyro klubi safida Braziliya chempionatida 10 ta o‘yin o‘tkazib, 3 ta gol urdi va 1 ta golli uzatmani amalga oshirdi. Shartnoma 2027 yil 31 dekabrgacha amal qiladi.