Bolavip хабарига кўра, "Рома" "Фламенго" ҳимоячиси Айртон Лукасга қизиқиш билдирмоқда.
Манбага кўра, "Рома" ҳимоянинг чап қаноти позициясини мустаҳкамламоқчи ва бу ўрин учун "Спартак"нинг собиқ ҳимоячисини сотиб олишни кўриб чиқмоқда. Италия жамоаси раҳбарияти футболчи учун 12 миллион евро таклиф қилишга тайёр.
26 ёшли Айртон 2019 йилдан 2022 йилгача “Спартак” сафида тўп тепган. Ўтган баҳорда футболчи "Фламенго"га ижарага берилган, кейинроқ Бразилия клуби ҳимоячини Москва жамоасидан сотиб олганди.
2023 йилги мавсумда Айртон Рио-де-Жанейро клуби сафида Бразилия чемпионатида 10 та ўйин ўтказиб, 3 та гол урди ва 1 та голли узатмани амалга оширди. Шартнома 2027 йил 31 декабргача амал қилади.
