"Tottenxem" vingeri Son Xyon Min boshqa jamoaga o‘tishi mumkin.
ESPN xabariga ko‘ra, "Al-Ittihod" 30 yoshli futbolchining transferi uchun "shporlar"ga 60 million yevro taklif qilishga tayyor. Shaxsiy shartnomaga ko‘ra, Son Xyon Minning maoshi transfer bo‘lgan taqdirda yiliga 30 million yevroni tashkil qiladi. Futbolchiga 4 mavsumlik shartnoma taklif qilingan.
Manbaga ko‘ra, "Tottenxem" koreyalik futbolchini sotishga qiziqmayapti. "Chelsi" yarim himoyachisi N'Golo Kante ham "Al Ittihod"ga o‘tishi kutilmoqda.
2022/23 yilgi mavsumda Xyon Min 47 ta o‘yinda 14 ta gol urdi va 6 ta golli uzatmani amalga oshirdi. U 2015/16 yilgi mavsumdan beri "Tottenxem"da o‘ynamoqda, shartnomasi 2025 yilning yoziga qadar tuzilgan.