"Тоттенхэм" вингери Сон Хён Мин бошқа жамоага ўтиши мумкин.
ESPN хабарига кўра, "Ал-Иттиҳод" 30 ёшли футболчининг трансфери учун "шпорлар"га 60 миллион евро таклиф қилишга тайёр. Шахсий шартномага кўра, Сон Хён Миннинг маоши трансфер бўлган тақдирда йилига 30 миллион еврони ташкил қилади. Футболчига 4 мавсумлик шартнома таклиф қилинган.
Манбага кўра, "Тоттенхэм" кореялик футболчини сотишга қизиқмаяпти. "Челси" ярим ҳимоячиси Н'Голо Канте ҳам "Ал Иттиҳод"га ўтиши кутилмоқда.
2022/23 йилги мавсумда Хён Мин 47 та ўйинда 14 та гол урди ва 6 та голли узатмани амалга оширди. У 2015/16 йилги мавсумдан бери "Тоттенхэм"да ўйнамоқда, шартномаси 2025 йилнинг ёзига қадар тузилган.
