"Milan" Fransiya terma jamoasi hujumchisi Markus Tyuram vakillari bilan muzokaralar muvaffaqiyatli o‘tishiga ishonmoqda. Nikolo Skiraning so‘zlariga ko‘ra, "rossonerilar" hujumchiga bonuslarni hisobga olmagan holda yiliga 5 million yevro to‘lashga tayyor.
Eslatib o‘tamiz, Myonxengladbaxning "Borussiya" klubi hujumchisi Markus Tyuram mavsum oxirida "Borussiya"ni tekinga tark etadi. 25 yoshli fransiyalik futbolchiga “Milan”, “Yuventus”, “Chelsi”, “Manchester Yunayted”, “Nyukasl”, shuningdek, Ispaniya va Fransiya klublari da’vogarlik qilmoqda.
25 yoshli Markus Tyuram 2019 yildan beri Myonxengladbaxning "Borussiya"sida o‘ynab kelmoqda. Joriy mavsumda fransiyalik hujumchi Germaniya Bundesligasida 30ta o‘yinda maydonga tushib, 13ta gol va 6ta golli uzatmani amalga oshirdi.